週二, 16 二月 2021 15:06

主場對列斯聯賽後報告

喺今場賽事之前3場英超不勝僅1和2負,賽前都擔憂愛隊的不穩定演出是否持續。今場隊長奧巴美揚復任正選而拿卡鍚迪則退居後備。上半場愛隊表現大有改進,擺脫慢熱嘅壞習慣,13分鐘就由隊長奧巴美揚由左路殺入禁區射近柱入網迅速領先1比0。其後薩卡殺入禁區被對手撞跌,但球證睇完VAR後不認為係12碼!列斯聯避過初一避唔到十五,41分鐘,門將梅斯利亞控球甩腳一時情急踢跌搶到皮球嘅薩卡,今次真係被判罰12碼。由隊長主射入網成2比0,亦係佢喺歐洲比賽嘅第200個入球。臨完上半場比利連近門窄角度射成3比0完上半場。

下半場僅僅2分鐘,隊長奧巴美揚大演帽子戲法近門頂入成4比0。愛隊領先4球之後,開始有所鬆懈,被客軍嘅史杜爾克同埋哥斯達各入1球最後愛隊以4比2完場全取寶貴3分。
取得今場大捷之後愛隊馬不停蹄將於19號凌晨於歐霸盃作客(羅馬中立場)對賓菲加,寄望愛隊再接再厲取得大截!COYG!

閱讀 1098 次數