週一, 29 十一月 2021 05:43

作客對利物浦賽後報告

其實上半場愛隊都好積極搶攻,31分鐘拿卡錫迪射入過一球,但因為傳波嘅隊長奧巴美揚越位在先,被判詐糊。1分鐘之後,因文尼同富安健洋爭波碰撞,引起高普同達帥爆發激烈罵戰,差d開拖,結果各食1張黃牌。39分鐘阿諾特開出罰球,文尼近門頂入領先1比0,亦以此賽果完上半場。

下半場開波僅7分鐘祖達殺入禁區射入第2球,73分鐘文尼單刀傳比沙拿射成3比0,後備上陣嘅南野拓實4分鐘後亦射入佢今季第1個聯賽入球,結果主隊以4比0取勝兼結束愛隊連續八場賽事不敗嘅紀錄。
雖然今埸以大比數落敗,不過同樣地韋斯咸亦都敗陣,所以我哋仲係堅守緊喺聯賽榜第五位。寄望喺嚟緊嘅星期六主場對紐卡素可以重回正軌,向前四進發!

閱讀 899 次數