週二, 11 一月 2022 05:56

作客對諾定咸森林賽後報告

今仗達帥作出一定程度嘅輪換,不過尚有薩卡,奧迪哥特同馬天尼利出任正選。上半場愛隊可能受輪換嘅影響而全隊豪無默契亦無甚威脅,結果只能以0比0賽和上半場返回更衣室。

下半場53分鐘,曾經揚威歐洲贏過連續2屆歐冠盃冠軍嘅森林隊有一次反擊大好機會,但係施干尼爾嘅射門被利奴撲出。結果去到下半場尾段83分鐘,盧干加喺後場傳失波,森林嚟一次快速推進,由耶迪斯喺右路傳入小禁區,再由後備上陣嘅加比賓飛身射入替主隊領先1比0,最後亦以此比數繼17/18年度球季4年内第二次喺足總盃第三圈將愛隊淘汰。
經過一場令厰迷失望嘅足總盃賽事之後,愛隊亦都要馬不停蹄喺五日之後另一項盃賽聯賽盃四強第一回合賽事作客硬撼利物浦。期望愛隊遇強越強一舉將紅軍淘汰!

閱讀 241 次數