下半場，愛隊繼續壓住李城嚟打，不過客軍舒米高亦都作出多次撲救。不過去到58分鐘，幸運之神再次降臨愛隊，舒米高撲出奧迪哥特罰球之後，柏迪門前加一頭被湯馬士護空門，不過因蘇恩祖之前用手疑接觸到皮球再經VAR提示球證，球證喺非常非常謹慎之下睇完重播後決定判罰12碼，由隊長拿卡錫迪操刀射入，將比數擴大至2比0，最終愛隊喺主場談笑用兵之下喺上下半場各入一球勝出今場比賽，經5連勝後繼續保住聯賽榜第4位，而且比第5位嘅曼聯少踢3場賽事嘅優勢。
喺踢完今場比賽之後我哋亦都要馬不停蹄3日後再喺主場迎接另一場硬仗對利物浦，寄望愛隊繼續凌厲嘅走勢，力求全取三分！COYG！！
週四, 17 三月 2022 06:22
主場對李斯特城賽後報告
上半場愛隊以近期走勢凌厲嘅原班人馬正選迎戰，好快就喺初段製造到入球領先。11分鐘，柏迪接應馬天尼利嘅左路角球，好輕鬆喺前柱頭槌一頂破網領先1比0。18分鐘，佢亦差d梅開二度，喺禁區外射門中楣彈出。35分鐘，客軍班尼斯接應橫傳近門頭槌，被今仗有超水準演出嘅藍斯度飛身撲出而力保不失，上半場亦都以1比0領先利城進入更衣室。
發佈於
賽後報告