週四, 21 四月 2022 05:25

作客車路士賽後報告

愛隊今仗隊長拿卡錫迪復出先列後備,由尼基迪亞任單箭頭攻堅。上半場13分鐘,基斯甸臣犯錯回傳失誤,尼基迪亞把握機會先開紀錄領先1比0。不過4分鐘後被主隊追平,雲拿喺左路推大位起腳,省中韋治入網追成1比1。不過愛隊並不氣餒,27分鐘黎一次快攻,奧迪哥特同薩卡黎一次one - two之後傳中,路維不負所托射入再度以2比1領先。32分鐘,主隊雲拿傳中,艾斯比列古達喺無人看管之下撞入,藍軍最終喺上半場追和2比2。

下半場57分鐘,達華利斯把握對方犯錯傳中,尼基迪亞雖然控甩腳但係又好好彩皮球再彈番比佢射入,愛隊又再次領先3比2。完場前,艾斯比列古達推跌薩卡,球證直指12碼,由薩卡親自操刀射入,最後愛隊作客以4比2擊敗上屆歐聯冠軍車路士兼令坊間所傳的會連輸第4場閉嘴。
愛隊在全取3分後,以32場57分追至同第4位熱刺同分,不過得失球稍遜而排第5位。
愛隊好快又要迎接第二場硬仗,將會喺兩日之後主場迎戰曼聯,我地要再次發揮團結精神再接再厲全取3分!COYG!

閱讀 672 次數 最後修改於 週一, 25 四月 2022 05:29