下半場愛隊依然壓住水晶宮切，55分鐘沙卡左路被客軍力壓之下近射入波遙遙領先至3比0。63分鐘舒立普接應角球一控一射為客軍破蛋追至1比3較接近紀錄。71分鐘沙夏底線窄角度施射僅僅出界，75分鐘由後備上陣嘅迪恩尼左路傳後比薩卡第一時間抽射破網，為愛隊再度將比數拉開至4比1完場全取3分，水晶宮亦係日前炒左韋拉之後嘅第一場比賽亦繼續全失3分。
再睇返聯賽榜方面，我地以28戰得69分繼續領先少賽一場嘅曼城8分。喺結束今場比賽之後，我哋將會有兩星期國際賽期休息，希望各位愛隊隊員（就算要代表所屬國家隊比賽）盡量喺呢兩星期內好好休息以備戰4月1日主場對列斯聯嘅賽事。
週一, 20 三月 2023 03:29
主場對水晶宮賽後報告
上半場10分鐘，客軍沙夏左路近射中柱為愛隊提高咗警惕。其後愛隊亦漸漸取得場上主導權，17分鐘隊長奧迪哥特遠射被撲出。僵局最終喺28分鐘出現，薩卡右路傳中比馬天尼利左邊推落底線勁射入網領先1比0。40分鐘再有隊長奧迪哥特埋門就僅僅出界，不過完半場前喺43分鐘，薩卡右路窄位近射遠柱破網將比數拉開至2比0完上半場返回更衣室。
發佈於
賽後報告