週日, 02 四月 2023 02:56

主場對士砵亭賽後報告

上半場19分鐘,佐真奴送個直線波比左路高速入楔禁區嘅馬天尼利,射門雖然被艾丹擋出,但沙卡趕到補一腳領先1比0。31分鐘,耶穌仔射門射過晒敵衛大細龍門,但過唔到艾丹。喺上半場真係當黑,先後有富安健洋同沙利巴傷出,由韋治同賀定入替,上半場最後就由愛隊領先1比0進入更衣室。

下半場62分鐘,佐真奴喺中場失咗控球被干沙維斯搶得皮球,馬上複製碧咸式笠射收死行出咗龍門稍前位置嘅藍斯度,呢球世界波將比數改寫成1比1兼且打起左客軍嘅信心。65分鐘保連奴頭槌頂高,72分鐘艾華士單刀射門,幸得藍斯度擋出皮球。雖然下半場換入托沙,薩卡同湯馬斯,但都係只得維亞拿79分鐘嘅罰球較具威脅,結果喺法定時間90分鐘內未分勝負,兩回合合計3比3,要加時30分鐘。
加時上半場8分鐘,客軍球員後傳失誤,托沙單刀埋門,可惜射門竟然中柱彈出。117分鐘,加比爾頭球攻門又被艾丹橫身擋出。118分鐘,烏加迪一次勇悍攔截薩收到黄牌1張,2黃變1紅被逐出場。最終愛隊都未能再有入球,需要互射12碼決勝。
頭3輪愛隊俱射入,但去到第4輪嘅馬天尼利就被擋出,最後士砵亭5射皆中以5比3射贏12碼晉級歐霸盃八強。
雖然盃賽出局,但正好話比我哋知道集中火力向餘下11場聯賽進發!兩天後再一次倫敦打比主場面對水晶宮,緊記3分不能少!COYG!

閱讀 331 次數