下半場愛隊依然控制大局至70分鐘，尼爾遜傳中，隊長奧迪哥特退後搵到空位射入以4比0大炒燕豪芬，愛隊亦以此比數完結今場賽事以勝利者姿態重返歐聯。而同組另一場西維爾則主場同朗斯打和1比1之下於小組排榜首。
我哋下一場賽事將會返回聯賽於4日後星期日北倫敦打比主場對熱刺，今屆我哋一定要遇強越強遇弱更加強一於大炒弱隊繼續全取三分！Yeah！
週四, 21 九月 2023 05:58
主場對PSV燕豪芬賽後報告
愛隊喺闊別歐聯多年後再一次踏上征途，喺第一場分組賽主場對荷蘭聯賽榜首勁旅PSV燕豪芬。
我哋開局非常好，上半埸8分鐘，隊長奧迪哥特喺禁區邊起腳，賓尼迪斯撲出皮球不遠被薩卡補中領先客軍1比0。20分鐘，耶穌仔分波至右路，薩卡傳中比托沙射入擴大比數至2比0。38分鐘，入波功臣托沙傳中比耶穌仔遠柱射入，愛隊上半場遙遙領先3比0進入更衣室。
發佈於
賽後報告