下半場熱刺換入莊遜同麥迪遜，不過依然頹勢不止反擊吃力，最終下半場互無記錄，熱刺以1比2敗於愛隊之下，亦係佢哋最近5場聯賽之中第四場失利，喺排名榜上排名第13，高出降班區8分咁多。愛隊則以21場43分升上聯賽榜次席，比榜首少賽一場嘅利物浦小4分。
我哋下一場聯賽賽事將會喺3日後既星期日凌晨主場惡鬥昔日領隊艾美利嘅阿士東維拉，唔好意思艾sir，今次真係冇面比要全取3分！
週四, 16 一月 2025 07:19
主場對熱刺賽後報告
雖然愛隊完全控制戰局，但先開記錄反而係熱刺。25分鐘，客軍隊長孫興民喺禁區邊窩利掃把腳省中沙利巴入網意外領先愛隊1比0。不過開心嘅時間唔夠15分鐘就結束。40分鐘，蘇蘭基喺防守角球時擺老烏送禮比我哋追平1比1。44分鐘，托沙喺快攻中左腳射入反超前2比1，4分鐘內一口氣連入2球完上半場。
發佈於
賽後報告