週一, 17 三月 2025 02:51
主場對車路士賽後報告
唔知係唔係所謂格食格嘅關係，一開波愛隊已經攻勢旺盛，2分鐘，有托沙喺禁區射高。11分鐘，添巴右路壓過古古尼也出波比馬天尼利，可惜門前被撞跌而未能埋門，不過最後皮球都落喺懷斯腳下，但一射炒高。12分鐘，再由懷斯喺禁區頂遠射，但被山齊士撲出。17分鐘，今次輪到托沙喺左路射門，又僅僅高出，當久攻都入唔到波下，我哋廖化作先鋒嘅美連奴就做咗救世主為愛隊打開記錄。21分鐘，我哋獲得角球機會，由美連奴近柱頭槌向後一頂破網領先1比0。領先後愛隊繼續喺車路士後場施壓。33分鐘，愛隊中場攔截得皮球後由馬天尼利禁區內再試射，但炒高而回。36分鐘，今次車路士終於有機會埋門，古古尼也左路射門，拉也接波時甩手，皮球喺門前彈咗兩彈慢溜尾袋柱邊出界。雖然客軍餘下時間反客為主，但都看似無能為力，結果上半場愛隊以1比0領先藍戰士返回更衣室。
閱讀 38 次數
發佈於
賽後報告
週四, 13 三月 2025 09:10
主場對燕豪芬賽後報告
謹開賽6分鐘，施真高推至禁區頂射入極速領先1比0，總比數為8比1。18分鐘，佩利錫控定後都轟入一球，追成1比1。37分鐘，今仗難得甚為活躍嘅史達寧交出第2次助攻比懷斯頂入網窩領先PSV 2比1完上半場。
閱讀 74 次數
發佈於
賽後報告
