賽後報告

+852 27250233
[email protected]

週一, 22 三月 2021 12:53

作客韋斯咸賽後報告

愛隊今仗繼續以缺態嘅隊長奧巴美揚同拿卡錫迪合作攻堅。上半場15分鐘，近況甚勇嘅連加特接應隊友傳送後略為控高皮球後球不著地勁射掛網鎚仔幫領先1比0。兩分鐘後，又係連加特，佢喺我哋後半場左邊快開罰球比查洛保雲射破企喺近柱嘅利奴，擴大比數至2比0。我哋嘅球員尤如尚未瞓醒，喺32分鐘比蘇捷將比數拉開至3比0。可能韋斯咸以3比0遙遙領先諗住大局已定，但世事往往出人意表，喺尾段38分鐘，拿卡錫迪喺禁區接得皮球後斜身射出一記好靚嘅射球，不過皮球掂到蘇捷後變成擺烏龍令愛隊追至1比3完上半場。

閱讀 1820 次數

發佈於賽後報告

閱讀全文...

週一, 22 三月 2021 12:52

主場對熱刺賽後報告

上半場愛隊明顯踢得較進取，開賽16分鐘路維施射中楣。3分鐘後孫興敏傷出，由茅柴林美拉入替。戰至33分鐘，茅柴林美拉喺人叢中以一記怪腳妙射破網意外領先1比0，呢球亦係客軍上半場唯一嘅中框埋門。愛隊之後傾力反撲，蘇亞利斯射中柱，全隊嘅努力終於喺完半場前得到回報，奧迪哥特接應左路傳中射入，連續兩場比賽都有入波，亦憑呢一球追平1比1完上半場。

閱讀 1680 次數

發佈於賽後報告

閱讀全文...