週一, 22 八月 2022 01:01
作客般尼芧夫賽後報告
上半場愛隊乘著開季兩連勝嘅勢頭喺開賽僅僅5分鐘就打開缺口，耶穌仔擺脫幾個守將之後傳波比馬天尼利施射但被門將撲出，隊長奧迪哥特門前執雞，迅速領先1比0。11分鐘，賓韋治喺底線傳中，今次耶穌仔控球離腳，不過隊長奧迪哥特就把握機會射入，擴大比數至2比0，靚仔隊長更成為愛隊喺英超歷史上第3位喺最頭11分鐘內梅開二度嘅球員，上半場就憑隊長呢2球領先主隊進入更衣室。
閱讀 581 次數
發佈於
賽後報告
週一, 15 八月 2022 05:58
主場對李斯特城賽後報告
上半場經過十多分鐘後愛隊開始入局，雖然20分鐘薩卡頂中柱未能先開記錄，不過3分鐘後就由捷西斯妙射破網於23分鐘領先1比0。35分鐘，耶穌仔接應角球攻勢喺無人壓迫之下輕鬆近門頂入梅開二度，愛隊擴大比數至2比0，上半場亦以此比數領先狐狸進入更衣室。
閱讀 594 次數
發佈於
賽後報告
週二, 09 八月 2022 02:09
作客對水晶宮賽後報告
上半場愛隊喺5分鐘就差d開紀錄，捷西斯射門被擋出，馬天尼利喺大好機會下補射竟然斜出，浪費黃金機會。不過佢亦喺20分鐘以功補過，薩卡角球開出比施真高頭槌二傳，馬天尼利近門頂入，愛隊先開紀錄領先1比0。42分鐘，主隊亦有1次黄金機會，艾斯罰球開出，安達臣二傳，艾度亞頭槌攻門，好彩藍斯度飛身撲出，上半場愛隊就憑馬天利尼入球領先水晶宮1比0進入更衣室。
閱讀 646 次數
發佈於
賽後報告
