週三, 05 五 2021 05:21

今場愛隊有隊長奧巴美揚出任正選,而韋利安、馬天尼斯同埋奧迪哥特就後上支援。
上半場5分鐘就有一個好開始,比爾連右路出波,隊長奧巴美揚近柱撻Q,皮球就落喺禁區頂嘅艾拿利,佢順勢抽射貼柱射入領先1比0。紐卡素喺17分鐘出現一個扳平機會,辛麥斯文引波入禁區後起腳,幸得今場正選上陣嘅賴恩僅僅撲出。28分鐘,沙卡左路禁區頂一記冷箭,差d收死杜巴卡,之後仲有艾拿利頭槌攻門,不過被阿米朗及時護空門不至多失,最終愛隊以1比0領先上半場。

週三, 05 五 2021 05:17

今場愛隊面對由前領隊艾馬利領軍嘅維拉利爾,上半場先處於下風,僅5分鐘就被查基路斯射破大門領先1比0,再戰至29分鐘,主隊憑一次角球攻勢,由艾比奧爾接應艾拔圖二傳近門射成2比0。半場維拉利爾已領先2球。
屋漏兼逢夜雨,

週三, 05 五 2021 05:14

愛隊今仗有隊長奧巴美揚同拿卡錫迪雙雙受傷缺陣,尼基迪亞負起攻堅重責。
好不幸地,雖然今仗愛隊都係演出較佳嘅一方,但再一次被VAR玩殘,上半場戰情比較平淡之下以0比0完半場。

週一, 19 四月 2021 05:57

今仗愛隊以拿卡錫迪打單箭頭配合薩卡、路維同馬天尼利作後上支援。上半場一開波即有入波機會,拿卡錫迪交波比馬天尼利作笠射,可惜不中目標,6分鐘後馬天尼利又一次近射被阿希奧拿擋出。富咸19分鐘出現第一次射門機會,馬查把握第一時間起腳,省中人改變方向,差dd收死賴恩。直至尾段愛隊攻勢更為入肉,39分鐘薩卡喺小禁區交比今仗出任隊長嘅比爾連第一時間出波,喺遠柱嘅施巴約斯一頂破網,但經過VAR檢視後,判薩卡“腳趾”越位在先而入球無效。愛隊喺補時階段藉烏龍波第二次將皮球送入網窩,但再一次因路維處於越位位置而再食多一次詐糊,上半場打成0比0平手。

週五, 16 四月 2021 05:22

愛隊首回合主場失準被逼和1比1之後,今場喺破釜沉舟嘅決心之下發揮出極強鬥志,上半場甫開賽立即向主隊施加壓力,雖然14分鐘路維嘅入球被判越位食詐胡,不過喺愛隊繼續施壓之下終於打破缺口,比比喺18分鐘窄位射入先開紀錄1比0,3分鐘後拿卡錫迪射入12碼拉開比數至2比0,沙卡喺24分鐘再遠射得手喺7分鐘內連入3球遙遙領先,亦可以話係大局已定,愛隊亦以3比0領先上半場。