開賽僅3分鐘，馬天尼利接應懷斯斬中喺遠柱位置施射，可惜被馬天尼斯擋出。13分鐘，客軍第一次較有威脅射門，馬臣喺禁區內施射被拉也擋出。19分鐘，托沙喺禁區頂起腳又係被馬天尼斯撲出。愛隊終於喺35分鐘打開缺口，托沙左路傳中比馬天尼利近門撞射，雖然被馬天尼斯擋到，但皮球已越過白界線，當然、入球有效，愛隊領先1比0完上半場。

雖然愛隊完全控制戰局，但先開記錄反而係熱刺。25分鐘，客軍隊長孫興民喺禁區邊窩利掃把腳省中沙利巴入網意外領先愛隊1比0。不過開心嘅時間唔夠15分鐘就結束。40分鐘，蘇蘭基喺防守角球時擺老烏送禮比我哋追平1比1。44分鐘，托沙喺快攻中左腳射入反超前2比1，4分鐘內一口氣連入2球完上半場。

18分鐘，耶穌仔直線傳球，省中麥佳亞後改變方向比馬天尼利單刀建功，但球證示意越位在先，入球無效。38分鐘，耶穌仔回防攔截B費受傷，需要擔架抬離場由史端寧入替，希望耶穌仔傷勢不重。結果亦以0比0完上半場返回更衣室。

愛隊上半場形勢較好，14分鐘，添巴接應角球頂高，差d先開記錄。29分鐘，馬天尼利接應托沙快速傳送後射門，可惜中柱不入。反而客軍喺大難不死之下於37分鐘由伊薩先開紀錄，梅菲禁區內交波比伊薩射入領先1比0，最後愛隊落後0比1完上半場。

16分鐘，替代薩卡17歲小將旺拿尼喺右路長驅直進入禁區好冷靜射入領先1比0，成為愛隊首名喺18歲以下單季取得至少2球嘅年青球員。38分鐘，旺拿尼差d可梅開二度，只可惜中柱不入，餘下時間亦不能多添入球下，愛隊上半場只領先1球返回更衣室。