雖然愛隊可謂有一個好嘅開始,但結局就係先甜後苦。上半場14分鐘,薩卡交波比耶穌仔射遠柱入網領先1比0。25分鐘,拉耶大腳高波但富安喺不為意下被華爾截得皮球交比湯馬臣射入追平1比1。更不幸嘅就係薩卡喺34分鐘受傷離場為本週日榜首大戰曼城添上陰影。結果上半場就以1比1平手返回更衣室。
Yeah!我哋好快喺開賽後就控制大局,16分鐘,隊長奧迪哥特將皮球吊入禁區,但耶穌仔頂中横楣,好彩薩卡近門補中入網領先1比0。接近完上半埸嘅44分鐘,尼基迪亞喺禁區被艾朗斯踢跌穫得極刑由隊長奧迪哥特射入12碼,愛隊上半場領先般茅2比0返回更衣室。
如賽前所料愛隊今仗大幅輪換。上半場8分鐘,辛卡失誤,尼基迪亞單刀再交比尼爾遜射入領先1比0,雖然喺早段已經開咗記錄,但之後大部分時間都係呈現膠著狀態,結果愛隊就憑呢球小勝1比0進軍聯賽盃第四圈將會作客對韋斯咸。而我哋下一場賽事將會喺嚟緊嘅星期六晚上聯賽作客對般尼茅夫。