上半場10分鐘，客軍沙夏左路近射中柱為愛隊提高咗警惕。其後愛隊亦漸漸取得場上主導權，17分鐘隊長奧迪哥特遠射被撲出。僵局最終喺28分鐘出現，薩卡右路傳中比馬天尼利左邊推落底線勁射入網領先1比0。40分鐘再有隊長奧迪哥特埋門就僅僅出界，不過完半場前喺43分鐘，薩卡右路窄位近射遠柱破網將比數拉開至2比0完上半場返回更衣室。

上半場19分鐘，佐真奴送個直線波比左路高速入楔禁區嘅馬天尼利，射門雖然被艾丹擋出，但沙卡趕到補一腳領先1比0。31分鐘，耶穌仔射門射過晒敵衛大細龍門，但過唔到艾丹。喺上半場真係當黑，先後有富安健洋同沙利巴傷出，由韋治同賀定入替，上半場最後就由愛隊領先1比0進入更衣室。

上半場15分鐘，馬天尼利左路接應傳中波省中富咸球員入網，但經VAR檢視之後話馬天尼利出波時已經越位入球無效。不過喺爱隊展現贏波決心之下，入球只係遲與早嘅問題。21分鐘，加比爾接應托沙角球頭槌埋門得手領先1比0。26分鐘，托沙再一次助攻呃過守衛喺左路底線傳中比馬天尼利近門銅頭一搖頂入網將比數更改成2比0。補時階段先有馬天尼利窄角度抽射被利奴擋出，但之後由托沙左路傳中比隊長奧迪哥特推順抽射遠柱破網遙遙領先3比0，托沙包辦晒三個入球嘅助攻，可謂威過威士忌！結果愛隊上半場亦以3球領先主隊返回更衣室。

達帥今仗作出有限度嘅輪換，基維奧首次正選上陣。上半場22分鐘，維亞拿開出右路角球，由沙列巴頭槌頂入領先1比0。34分鐘，同樣亦係來自角球戰術入波，主隊恩拿斯奧接應艾華士嘅角球，頭槌追平1比1，結果亦以此比數完上半場。

上半場僅9.11秒便出現第一個入波，不過好不幸係比客軍入波。比寧喺近門射入般茅閃電領先1比0。不過及後愛隊亦差d追平，隊長奧迪哥特起腳被尼圖撲出，薩卡補射再次被尼圖救到。20分鐘，比寧回傳比韋達夏施射，藍斯度神勇救出不至輸多一球，最後上半場愛隊僅落後1球返回更衣室。