週一, 23 十一月 2020 05:01

作客列斯聯賽後報告

上半場列斯聯攻勢係較多同一直積極進攻,愛隊不論喺射門同控球率都不及對手,班福特有2次黃金機會都比利奴精彩救出,愛隊成功守住以0比0完上半場。

下半場可以用屋漏兼逢夜雨嚟形容,下半場開賽冇耐比比突然魯莽用頭頂向阿里奧斯基,結果比比直接領紅被逐,形成差不多整個下半場都要十人應戰令愛隊處境十分艱難,不過除咗利奴表現神勇全場作出多次關鍵撲救之外亦要多得門柱及橫眉嘅幫忙,雖然我哋都有一個具爭議性嘅12碼未被接納,結果雙方終以0比0完場。
雖然總體嚟講打和都算合理,但愛隊喺賽事表現不濟之下失去2分最終以0比0摸和列斯聯實在不能接受。近5場聯賽僅入一球12碼,達帥一定要想想辦法以解決攻力疲弱嘅問題,寄望愛隊嚟緊27號凌晨歐霸盃作客對莫迪表現有所改善!

閱讀 114 次數