下半場愛隊以積極嘅表現進行大反擊。53分鐘,隊長奧迪哥特右路推大位起腳,雖然射不中龍門,但皮球意外落喺薩卡腳下轉身射入,追平1比1。氣勢如虹嘅愛隊喺58分鐘再有斬獲,馬天尼利接應沙卡嘅助攻,喺窄角度射入近柱為愛隊反超前領先2比1。愛隊可謂得勢不饒人,69分鐘隊長奧迪哥特交出助攻比尼基迪亞射入保險球,最後亦以呢一球反勝韋斯咸3比1完場。
喺聯賽榜愛隊以15場得40分比多賽一場嘅紐卡素多7分及少賽一場嘅曼城多8分繼續高踞榜首。我地下一場比賽將會喺元旦日作客對近況不俗嘅白禮頓,記得記得再記得,我地唔要1分係要全取3分!COYG!