作客車路士賽後報告

週日, 22 十月 2023 09:25

可能因為國際賽期令出賽球員都疲態畢露，上半場可謂在水準之下，下半場達帥作出調整下搶回不少攻勢。

14分鐘，因沙利巴犯手球而獲判12碼，由彭馬射入12碼，最終上半場車路士領先1比0返回更衣室。

下半場開賽冇耐又出事，48分鐘，梅迪歷左路傳中笠死失咗位嘅拉耶將領先比數擴大至2比0。輸到0比2愛隊已經完全豁出去，77分鐘，山齊士誤傳比懷斯喺離門25碼外射入世界波追番1球。84分鐘，薩卡喺右路傳中，托沙就喺遠柱撞入追成平手，最後愛隊憑將士用命之下逼和車路士2比2完場。

喺聯賽榜方面，愛隊以9戰得21分同曼城同分，但得失球差而排聯賽榜次席。而我哋下一場賽事將會喺本星期三歐聯作客對西維爾，寄望愛隊可以全取3分之餘亦希望出賽球員可以無傷無痛歸隊。

閱讀 214 次數

發佈於賽後報告