今仗比較上仗對維拉賽事只保留咗3個正選球員，喺今仗復任正選嘅藍斯度亦保持水準喺初段連番救球。42分鐘，尼爾遜橫傳比禁區內嘅尼基迪亞射入領先1比0，愛隊亦以此球領先上半場返回更衣室。
50分鐘，主隊由費迪西射入追平1比1。66分鐘，沙利巴射門差d再度領先，但唔好彩射中門柱而未能反超前。最後亦以此比數結束今場賽事，愛隊於分組賽6戰得13分首名出線淘汰賽階段。我哋下一場賽事將會喺4日後聯賽主場對近況唔差嘅白禮頓，不過無論對手近況如何，我哋目標只有一個全取3分！
