下半場愛隊並無因上半場加時嘅失球而影響士氣,67分鐘,今次輪到紅軍出錯回禮,愛隊一次長傳比馬天尼利入紅軍禁區,雲迪克同出迎嘅阿里遜發生誤會,皮球反而撞咗比馬天尼利射入空門領先2比1。落後嘅紅軍換入紐尼斯,艾利亞治同傷好冇耐嘅羅拔臣,不過表現仍然麻麻,77分鐘,麥阿里士打嘅窩利射門未有中框,不過已算係較有威脅嘅一射。屋漏兼逢夜雨,88分鐘,干拿迪兩黃一紅被逐,10人應戰嘅紅軍已經返魂乏術,更加喺下半場補時第2分鐘被後備入替嘅托沙射入第3球以3比1擊敗利物浦,終止佢哋聯賽4連勝。
睇番聯賽榜方面,愛隊23戰得49分同小賽一場嘅曼城同分,但計得失球差而排第3位,比榜首利物浦小2分。
我哋下一場賽事將會係倫敦打比,喺嚟緊嘅大年初二晚上作客韋斯咸,我哋一於要全取3分超利趕曼咬住佢哋!