21分鐘，主隊有d唔聲唔聲就嚇你一驚，加連奴射中柱兼補射斜出。35分鐘，沙利巴接應薩卡角球，可借頂出界，結果喺比較沉悶嘅上半場互無紀錄返回更衣室。
下半場愛隊一直取得較多控球權，但限制於主隊泊大巴戰術而未有太大威脅，眼見和局收場之際，補時第4分鐘，愛隊喺中場失波被加連奴轟入一球世界波，波圖絕殺1比0完場。暫時先拔頭籌。期望喺第二回合返番主場殺佢3，5，7球晉級。而我哋下一場賽事將會喺3日後週日凌晨聯賽主場面對最近3仗一勝兩和嘅紐卡素，今次一於趁佢哋狀態並不太穩定之下報番上仗一戰之仇！
