上半場10分鐘，賀蘭擺脫賀定後起腳，不過欠缺力度下無功而還。22分鐘，愛隊新援托沙喺左路推大位起腳，可惜比奧迪加撲出。34分鐘，今次又係托沙喺左路發難，力壓馬列斯同路易斯後傳中，尼基迪亞攻門斜出，結果上半場互無紀錄之下返回更衣室。
上半場愛隊一直壓住熱刺後半場圍攻，7分鐘，因熱刺喺後場出錯，尼基迪亞射門比羅利斯擋出。14分鐘，薩卡右路傳中省中施斯隆後改變方向，令到羅利斯措手不及之下將皮球擋入龍門內替愛隊領先1比0。25分鐘，湯馬斯凌空窩利抽射，可惜中柱彈出。36分鐘，隊長奧迪哥特喺禁區外起左腳射一腳彈地波入網，將比數改寫成2比0完上半場。
