今仗係決定愛隊或利物浦誰可以喺2023年年終登上榜首一哥嘅榜首大戰。上半場4分鐘，隊長奧迪哥特開出罰球，加比爾一頂入網領先1比0。29分鐘，阿歷山大阿奴以60碼長傳比沙拿後再擺脫施真高勁射追成1比1。41分鐘，愛隊快速反擊由薩卡單刀埋門，但面對阿里遜冇機會起腳下皮球落喺馬天尼利腳下，但射不中目標，結果上半場各1言和返回更衣室。
下半利主隊略佔優勢，71分鐘，後備入替冇耐嘅艾利亞治起腳省中加比爾，好彩中柱彈出。結果今仗以1比1各一言和。
喺聯賽榜方面愛隊以18場40分成為聖誕一哥，利物浦落後1分排次席。我哋下一場賽事將會喺29號凌晨主場對韋斯咸。
最後僅代表球迷會向各位廠迷恭祝聖誕快樂！
