上半場愛隊要去到尾段先打破缺口，40分鐘施真高交出靚傳送比薩卡喺龍門口窄角度射入領先1比0。補時1分鐘，狀態大勇嘅薩卡搶走基耶皮球助攻傳比馬天尼利射入擴大領先優勢至2比0，最後上半場亦以此比數領先拖肥進入更衣室。
下半場戰至71分鐘，沙卡傳至左路比托沙回傳，隊長奧迪哥特第一時間射入遙遙領先至3比0。80分鐘，馬天尼利梅開二度，結果愛隊大炒拖肥4蛋完場。喺聯賽榜方面愛隊以25場60分高踞榜首，領先次席曼城5分。而下一場聯賽將要馬不停蹄2日之後主場迎戰般尼茅夫，總之3分不能少！63 points！
