所謂屋漏兼逢夜雨，下半場57分鐘，洛夫維開出角球，辛尼斯頂入擴大優勢至2比0。喺呢一刻愛隊開始排山倒海絕地反擊。62分鐘，般茅喺解圍角球不遠被路維頂番去門前，湯馬斯射入追返一球至1比2。70分鐘，尼爾遜喺底線傳中，韋治窩利射入追成平手。愛隊喺六萬現場厰迷打氣之下簡直氣勢如虹，先有薩卡傳中省中史堤芬斯中柱，之後又有馬天尼利勁射僅僅高出。當每一個人覺得將會痛失2分之際，愛隊神績咁喺補時補上補第7分鐘比尼爾遜禁區邊控定後左腳勁射破網奇蹟反勝般茅3比2，錄得聯賽4連勝。
喺聯賽榜我哋以26場63分續排榜首，比同樣踢咗26場次席嘅曼城領先5分。而我哋下一場比賽將會喺5日之後嘅歐霸盃16強作客葡萄牙士砵亭，寄望達帥可以適當調整陣容比主力多作休息。
週一, 06 三月 2023 06:11
主場對般尼茅夫賽後報告
上半場僅9.11秒便出現第一個入波，不過好不幸係比客軍入波。比寧喺近門射入般茅閃電領先1比0。不過及後愛隊亦差d追平，隊長奧迪哥特起腳被尼圖撲出，薩卡補射再次被尼圖救到。20分鐘，比寧回傳比韋達夏施射，藍斯度神勇救出不至輸多一球，最後上半場愛隊僅落後1球返回更衣室。
發佈於
賽後報告