下半場55分鐘,馬斯亞窄位射門被藍斯度救出,華舒福補射又被封。59分鐘,哈伐斯引球入禁區被雲比沙卡出腳攔阻後倒地,原本球證直指12碼點,但最後被紅魔第13人嘅VAR推翻判決!戰況一直維持到完場前先出現高潮,89分鐘,加拿曹單刀射入,好彩今次VAR將入球推翻,愛隊更喺補時6分鐘由懷斯門前接應角球無人看管之下控定窩利勁射,安拿拿擋到都入波反超2比1。喺加時補上補第101分鐘,耶穌仔反擊單刀再添入球奠定3比1勝局完場。
雖然愛隊整體表現在水準之下,但我哋攞到最重要嘅3分得10分同另外3隊暫列聯賽榜第二位較曼城少2分。我哋下一場賽事將會喺2星期國際檔期後作客對水深火熱嘅愛華頓。