下半場開波冇耐隊長奧迪哥特就喺禁區內起腳，碧福特飛身撲出。69分鐘，愛隊藉一次短角球攻勢，由薩卡喺禁區右路傳比後備入替馬天尼利嘅托沙撞射入網，終打破大巴陣以1比0領先。77分鐘，愛隊差d可以拉開比數，隊長奧迪哥特射門再一次比碧福特擋出，最後由維亞拿補射，又被米哥倫哥成功護空門擋高出底線，最後愛隊就以1比0勝出今場比賽。
愛隊勝出後喺聯賽排名榜與利物浦同熱刺一樣同為5戰13分，比榜首曼城少2分。而我哋下一場賽事將會係4日後星期四凌晨歐冠盃分組賽第一場主場面對荷蘭勁旅PSV燕豪芬，期望闊別歐冠盃多年之後勢響頭炮打敗曾經手下敗將PSV全取3分!
週一, 18 九月 2023 04:20
作客愛華頓賽後報告
上半場開賽已睇出係一場攻防戰格局，愛隊圍繞拖肥圍攻，19分鐘，馬天尼利左路快放入禁區將皮球射入網窩，但可惜尼基迪亞越位在先食左一記炸糊，更禍不單行馬天尼利冇耐因拉傷肌肉由托沙入替。面對全面死守泊大巴嘅愛華頓，愛隊實有老鼠拉龜之感，最終以0比0完上半場返回更衣室。
發佈於
賽後報告