下半場開波冇耐隊長奧迪哥特就喺禁區內起腳,碧福特飛身撲出。69分鐘,愛隊藉一次短角球攻勢,由薩卡喺禁區右路傳比後備入替馬天尼利嘅托沙撞射入網,終打破大巴陣以1比0領先。77分鐘,愛隊差d可以拉開比數,隊長奧迪哥特射門再一次比碧福特擋出,最後由維亞拿補射,又被米哥倫哥成功護空門擋高出底線,最後愛隊就以1比0勝出今場比賽。
愛隊勝出後喺聯賽排名榜與利物浦同熱刺一樣同為5戰13分,比榜首曼城少2分。而我哋下一場賽事將會係4日後星期四凌晨歐冠盃分組賽第一場主場面對荷蘭勁旅PSV燕豪芬,期望闊別歐冠盃多年之後勢響頭炮打敗曾經手下敗將PSV全取3分!