週日, 07 四月 2024 02:47

作客白禮頓賽後報告

今仗薩卡喺傷癒後回歸正選,夥拍耶穌仔同夏維斯攻堅。上半場愛隊喺企穩陣腳之後有不少機會,不過加比爾同薩卡嘅埋門都不中目標。缺口終於喺33分鐘打開,耶穌仔殺入禁區被林迪踢低,薩卡射入12碼領先海鷗1比0,最後亦以此比數完上半場返回更衣室。

62分鐘,愛隊嚟一次非常美妙組織由佐真奴傳中比夏維斯撞入將比數拋開至2比0。86分鐘,今仗非常活躍嘅夏維斯助攻比托沙單刀射入最後1球以3比0擊敗白禮頓。
睇返聯賽榜方面,愛隊以31戰得71分升上榜首,領先同得70分嘅利物浦及曼城,不過利物浦小賽一場。我哋而家暫時要放低聯賽去另一條戰線,喺週三凌晨嘅歐聯8強第一回合主場面對今非昔比嘅拜仁慕尼黑,喺主場優勢及拜仁因受罰而冇作客球迷支持之下一於趁佢病攞佢命!

閱讀 168 次數