週三, 10 四月 2024 06:02

主場對拜仁慕尼黑賽後報告

上半場初段,愛隊非常進取之下喺12分鐘即有斬獲,薩卡接應韋治嘅橫傳將皮球送入網窩先拔頭籌領先1比0。18分鐘,哥列斯卡傳比基拿比,呢位前鎗手篤入扳平1比1。32分鐘,辛尼博到12碼由簡尼操刀中鵠,反超前2比1,結果上半場我哋喺落後1比2下返回更衣室。

下半場愛隊積極反撲,76分鐘由兩名後備入替嘅托沙接應耶穌仔傳送,射成2比2。最終亦以此比數完場,勝負則要留待下週三次回合作客拜仁再決高下。
我哋下一場賽事將會馬不停蹄喺四天後週日晚上聯賽主場迎戰亞士東維拉,挑戰前領隊艾美利,當然喺不能有失分嘅情況底下,呢3分不能有失!

閱讀 199 次數