愛隊下半場繼續採取主動，但反而因進攻所消耗嘅體力過大，反而比維拉搶番唔少控球權。62分鐘，迪拿曼斯射門中柱彈出。84分鐘，甸尼左路傳入禁區，托利斯喺門前起唔到腳，而皮球就漏咗比後備入替嘅庇利射入空門領先1比0。愛隊嘗試盡快扳平之際喺87分鐘又輸多一粒，迪拿曼斯截咗佐真奴傳球後長傳比屈堅斯單刀，雖然隊長奧迪哥特一路力壓佢，但都不能阻止佢笠過拉耶入網將比數領先至2比0，而呢個比數維持到完場為止。
聯賽榜上愛隊仍然維持第2位，32戰得71分，落後榜首同為32戰嘅曼城2分，雖然喺爭標路上由主動變為被動，但寄望愛隊不要氣餒奮戰到底，聯賽尚有變數，反而我哋下一場賽事就係一場生死大戰，三天後嘅週四凌晨作客德國拜仁慕尼黑，為保晉級4強一席位，愛隊要加把勁！Come on ARSENAL！
週一, 15 四月 2024 02:20
主場對阿士東維拉賽後報告
上半場早段愛隊錯失咗3次機會，2次過唔到馬天尼斯及一次射高，而維拉第一次中龍就喺39分鐘出現，加比爾喺後場犯錯比屈堅斯單刀入禁區起腳，中柱彈出，雖然大難不死但警號已經響起。之後愛隊喺完上半場前有2次機會分别由耶穌仔比波托沙喺禁區撞射，可惜又過唔到反應奇快嘅馬天尼斯，第2次機會係薩卡喺禁區內起腳僅僅柱邊出界。
發佈於
賽後報告