週三, 31 一月 2024 02:12
作客對諾定咸森林賽後報告
愛隊經過十多日休息义電之後的確活力十足，喺上半場佔盡優勢反客為主，但依然欠缺一dd把握力，喺佔盡優勢之下只能夠以0比0比數返回更衣室。
閱讀 135 次數
發佈於
賽後報告
週日, 21 一月 2024 07:15
主場對水晶宮賽後報告
愛隊經過2星期休息同到杜拜义電之後，今場全隊都表現得非常積極。11分鐘，懷斯開出角球，加比爾猶如飛將軍頂入客軍大門領先1比0。37分鐘，又係加比爾接應角球攻勢，不過今次就插水式頂中軒達臣背部入網將比數領先至2比0，上半場亦以此比數結束。
閱讀 151 次數
發佈於
賽後報告
週二, 09 一月 2024 07:45
主場對利物浦賽後報告
經過一日嘅冷靜期之後，終於都可以消化今仗不快嘅情緒寫下今仗賽後報告。今仗愛隊為響應球會發起嘅倫敦打擊青少年街頭暴力行為嘅不流血日運動 No More Red 連續第三年以全白戰衣應戰。
愛隊上半場佔有絕對優勢，更於開波後10分鐘憑積極逼搶及死球攻勢，製造咗5次射門。3分鐘，尼爾遜接應長傳扭過阿里遜喺窄位起腳，可惜中網側。11分鐘，更唔好彩有隊長奧迪哥特禁區內射中横楣不入。其後愛隊機會不斷，夏維斯有數次起腳，但都無法轉化為入球。上半場愛隊同紅軍射門次數比較係13對2。而紅軍最有威脅一腳則為完上半場前由阿奴所射，不過被藍斯度拍到後再中横楣彈出，結果上半場互無入球下返回更衣室。
閱讀 162 次數
發佈於
賽後報告
